امریکی ساختہ اپاچی ہیلی کاپٹر کے ہم پلہ پاک فوج کے بیڑے میں شامل Z-10ME کن خصوصیات کا حامل ہے؟

پاک فوج کے بیڑے میں شامل ہونے والا جدید Z-10ME اٹیک ہیلی کاپٹر متعدد جنگی خصوصیات کا حامل ہے۔

پاک فوج کے شعبہ تعلقات عامہ کے مطابق فیلڈ مارشل عاصم منیر کے ملتان گیریژن کے دورے کے موقع پر پاک فوج کے بیڑے میں جدید Z-10ME اٹیک ہیلی کاپٹر شامل کیا گیا۔

آئی ایس پی آر کے مطابق جدید Z-10ME اٹیک ہیلی کاپٹر ہر موسم میں اور رات میں بھی درست نشانہ لگانے کی صلاحیت رکھتا ہے، اس جدید نظام کی شمولیت پاک فوج کی ایوی ایشن کو جدید خطوط پر استوار کرنے کی جانب ایک اہم سنگِ میل ہے۔

جدید Z-10ME اٹیک ہیلی کاپٹر کی خصوصیات
چین کے تیار کردہ جدید Z-10ME اٹیک ہیلی کاپٹر کو امریکی ساختہ اپاچی ہیلی کاپٹر کے ہم پلہ قرار دیا جا رہا ہے۔

پاک آرمی ایوی ایشن کے ٹرائل کے نتیجے میں چین نے زی 10 ہیلی کاپٹر پر ستمبر 2018 میں کچھ اپ گریڈز کے بعد Z-10ME ہیلی کاپٹر ایکسپورٹ ورژن کے طور پر متعارف کرایا۔

اس ہیلی کاپٹر میں نئے ملی میٹر ویو ریڈار، نئے ویپنز اور پروڈکشن کے علاوہ الیکٹرانک تبدیلیاں کی گئیں۔

Z-10ME کی کینن ماؤنٹک لوکیشن اور کیلیبر کو مزید بہتر بنایا گیا ہے، اس کے علاوہ کینن کی بم وے کو پائلٹ کی ریئر سائیڈ پر منتقل کر دیا گیا ہے جس سے ہیلی کاپٹر کی سینٹر آف گریویٹی کو مزید بہتر کرنے میں مدد ملی۔

Z-10ME کے 6 ایکسٹرنل ہاٹ پوائنٹس پر مختلف اقسام کے ائیر ٹو گراؤنڈ اور ائیر ٹو ائیر ویپن لگائے گئے ہیں، اس ہیلی کاپٹر پر 3 ٹن تک ویپن یا وار ہیڈ لے جایا جا سکتا ہے۔

Z-10ME کو کیا چیز دوسروں سے ممتاز بناتی ہے؟
Z-10ME کو جو تین چیزیں دیگر مد مقابل ہیلی کاپٹرز سے ممتاز کرتی ہیں ان میں چھوٹے کروز میزائل، CM501XA سب سے اہم ہے، اس میزائل کو ناصرف جاسوسی بلکہ اسٹرائیک مشن کے لیے بھی استعمال کیا جا سکتا ہے، یہ ویپن افواج کو آپریشنل لچک فراہم کرتا ہے، اس کروز میزائل پر ایکس شیپ ریڈار موجود ہے جو کہ اس کی نقل و حرکت کی قابلیت کو بہتر بناتی ہے۔
اس میزائل کی سب سے اہم خصوصیت یہ ہے کہ جنگ کے دوران حساس نوعیت کے ایسے اہداف جن کو جلد نشانہ بنانا ضروری ہو ان کو ٹارگٹ کرنے یا پھر ریموٹ جیسا کہ میزائل لانچ وہیکلز اور ٹیکس کی معلومات ڈیٹا لنکس کے ذریعے پہنچا سکتا ہے، اس میزائل کا Z-10ME پر استعمال ہیلی کاپٹر کی فضائی صلاحیت کو بڑھا دے گا۔

ایس ڈبلیو 6 میزائل
ایس ڈبلیو 6 چھوٹے سائز کے جاسوسی اور بغیر پائلٹ وہیکل ہے جسے ہیلی کاپٹر پر بھی لانچ کیا جا سکتا ہے، ہیلی کاپٹر سے لانچ کے بعد یہ یو اے وی آپریشن مشن انفرادی طور پر انجام دے سکتی ہے۔

ایس ڈبلیو 6 یو اے وی ایک اعشاریہ 6 میٹر لمبی اور اس کا ونگ اسپین 2 اعشاریہ 4 میٹر ہے،

ایس ڈبلیو 20 کلو گرام وزن کے ساتھ 5 کلو گرام اسپیئر لوڈ اٹھا سکتی ہے، اس کی کروزنگ اسپیڈ 80 سے لیکر 100 کلو میٹر فی گھنٹہ ہے اور یہ ایک گھنٹے تک مسلسل اڑنے کی صلاحیت رکھتی ہے۔

CM501XA اور SW6 کی وجہ سے Z-10ME جیسے ہیلی کاپٹر کامبیٹ مشن کو بہتر طریقے سے انجام دے سکتے ہیں، یہی اشتراک Z-10ME کو مزید خطرناک بناتا ہے
اس کا ایک اور اہم ہتھیار اس کا اینٹی سب میرین وار فیئر ET60 لائٹ ویٹ تارپیڈو ہے، Z-10ME اس لائٹ ویٹ تار پیڈو کو اٹھا کر لے جانے کی صلاحیت رکھتا ہے، فش فائٹ کے نام سے جانے والے ET60 کی رفتار 50 کلو میٹر فی گھنٹہ اور رینج 25 کلو میٹر ہے۔

اس کے علاوہ Z-10ME پر دیگر ہتھیار جیسے کہ ٹی وائے 90 ائیر ٹو ائیر میزائلز کو بھی لے جانے کی صلاحیت رکھتا ہے، سی ایم 502 اے جی ائیر ٹو گراؤنڈ میزائل بھی اس پر نصب کیا جا سکتا ہے۔

امریکی ساختہ ہیل فائر یعنی اے جی ایل 114 ایل کے ہم پلہ کے وی ایکس فائر اینڈ ارگیٹ میزائل بھی اس ہیلی کاپٹر کے ساتھ جوڑا جا چکا ہے۔

اس کے علاوہ گائیڈڈ اور ان گائیڈڈ میزال بھی اس اٹیک Z-10ME کے پیکج میں شامل ہیں۔

Z-10ME کو طاقتور انجن ڈبلیو زی نائن سے بہتر کیا گیا ہے، یہ انجن ہیلی کاپٹر کو 1200 سے 1300 کلو واٹ کی طاقت فراہم کرتا ہے، اس لیے Z-10ME اپنے بیس ویرینٹ سے کم از کم 30 فیصد زیادہ طاقت رکھتا ہے